Í tilefni þess að ég er að flytja búferlum ákvað ég að flytja bloggið mitt yfir á www.ivg.blog.is Ekki það að einhver skoði þetta hjá mér
4

Já ég fór í prufurnar á Gauknum á miðvikudaginn síðastliðinn og skemmst frá að segja var ég beðinn um að mæta aftur á fimmtudeginum í áframhaldandi prufur ásamt u.þ.b. 16 öðrum söngvurum. Ég hefði aldrei getað trúað því hvað það fylgir því mikil skriffinnska að sækja um stöðu í einu skitnu sveitaballabandi. Umsóknin var einar 20 síður á þykkt og ekki skánaði það þegar maður fékk samninginn í hendurnar, 30 síður eða eitthvað og ekkert nema lögfræðital, Á ENSKU! Takk fyrir mig Skjár einn að hafa dælt yfir okkur öllum þessum amerísku lögfræðiþáttum í gegnum tíðina, veit ekki alveg hvernig maður hefði annars átt að geta unnið úr þessum upplýsingum. Nú, til að bæta gráu ofan á svart þá vorum við beðin um að senda upplýsingar um ALLT sem við höfum gert í bransanum. ÉG Á EKKERT SOLEIÐIS! Ég er náttúrulega svo mikill slugsi þegar kemur að því að halda upp á gömul plaköt og auglýsingar, úrklippur og þess háttar, þannig að ég er búinn að vera sveittur við það að grafa upp allt sem ég hef getað komist yfir til að geta sent það út til þess að líta ekki út fyrir að vera nýskriðinn útúr karókígræjunum. Góðir menn hafa líka lagt mér lið með því að skrifa virkilega falleg meðmælabréf mér til stuðnings og kann ég þeim bestu þakkir fyrir. Nú verður maður bara að sitja "rólegur" og bíða eftir því hvort maður komist áfram í 50 manna úrtakið í L.A. Kemur í ljós eftir 3-4 vikur. Hvað segið þið, haldiði að kallinn komist til L.A.??
4

fyrst að búið er að ráða bót á kommentakerfinu hér á blog.central þá get ég nú svosem haldið þessu áfram......... Úr strumpalandi er allt fínt að frétta, vorum nú á dögunum að festa kaup á okkar fyrstu íbúð í Memphis norðursins, Hafnarfirði. Jibbí-kóla! fáum afhent í maí og er mikill spenningur fyrir því svo um munar. Kallinn bara helvíti flottur á því að láta loksins verða af því að verða stór og skulda einhverjar fleiri fleiri millur eins og sæmir fullvaxta íslendingi.
Vegna fjölda áskorana ákvað ég að ráða mig aftur til starfa í Tónabúðinni í Skipholtinu og kann ég bara mjög vel við það. Allir að kíkja og kaupa eitthvað dýrt!!
Annars hef ég verið að velta einu fyrir mér í soldinn tíma, Eru bensíndælur karlkyns? ég meina, jú ég get skilið það að þetta vefjist fyrir mönnum, einhverjar slöngur sem sprauta gumsinu út úr sér. Ekki mikið kvenlegt við það, en kommon! stuðar mig alltaf jafnmikið þegar ég fer á sjálfsafgreiðslustöð og skjárinn sýnir "DÆLA 3 ER TILBÚINN"!!!!!!!!!!!!!! Hvernig er farið fyrir íslenskukunnáttu landans, ég meina það, DÍSÖS KRÆST!!!!
4

Ég er búinn að gefast upp á að reyna að eyða út rusl-commentum og hef því ákveðið að hætta öllum færslum hér.

Ég kem þó til með að setja upp slóð á nýtt blogg þegar og ef ég set það upp aftur

over and out

4

Jæja, ég get ekki verið minni maður en Kiddi og treð því inn hér örfáum spurningum sem ég vona að sem flestir svari því ég tel að svörin geti gert mér kleyft að þroskast og verða betri manneskja en ég er í dag............................ Eða bara af því að það gæti verið forvitnilegt. Koma nú!  Allir saman!  Kommenta svo.

4

1. Þú segir mér eitthvað handahófskennt um mig
2. Þú segir mér hvaða lag minnir þig á mig
3. Þú segir mér hvaða bragð minnir þig á mig
4. Þú segir mér eitthvað sem meikar bara sens fyrir þig og mig
5. Þú segir mér fyrstu ljósu minninguna þína af mér
6. Þú segjir mér á hvaða dýr ég minni þig
7. Þú spyrð mig að einhverju sem þú hefur velt lengi fyrir þér um mig

Já gott fólk! Nú eru áramótin gengin um garð með tilheyrandi sprengingum og látum. Fórum til múttu og pápa í mat um kvöldið og svo var haldið upp í Æsufell að glápa á skaupið og fylgjast með herlegheitunum, skaupið var fínt í ár þó fannst mér Björgvin Frans afgerandi bestur. Þegar mestu lætin voru búin var kominn tími á að hafa sig til fyrir átök næturinnar, á Amsterdam skyldi haldið að trylla lýðinn! Skemmst frá því að segja þá var nú ekki mikið líf í bænum fyrripart nætur. Klukkan var farin að nálgast 4 þegar við sáum okkur knúna til að halda á svið til að reyna að koma dæminu í gang. rembdumst eins og rjúpan við staurinn að halda lífi í glæðunum framanaf, Enduðum að vísu með pakkað hús og megastuð til klukkan hálf átta um morguninn.
Víkjum nú að öðru sem er ekki alveg eins skemmtilegt. Fór með fjölskylduna út að borða á ónefndum kjúklingastað í borginni. Hef til þessa haft góða reynslu af fyrrtéðum matsölustað en eki var nú svo í þetta skiptið. Við komum inn og pöntum okkaur "þetta venjulega" þar sem það hefur ekki klikkað hingað til. Fengum "matinn" í hendurnar og hugsuðum okkur gott til glóðarinnar. Fyrsti bitinn hhefði átt að renna ljúflega niður, en honum fylgdi sérkennilegur keimur, svona eins og af brenndu sorpi eða hér um bil. Skemmst frá að segja skiluðum við þessum gallagripum og fengum nýja í staðinn. Jæja, hugsaði ég, þettta getur nú alltaf komið fyrir, sérstaklega þegar mikið er að gera. Taka tvö: gersamlega mislukkað. Bragðaðist að vísu soldið betur, en hinsvegar hefði úldinn skósóli líklega bragðast eins og dýrindis nautalund eftir fyrri skammtinn. misstum samt endanlega matarlystina þegar við áttuðum okkur á því að "flugan" sem við vorum að berja frá okkur yfir borðinu var í raun aldrei sú sama og í raun og veru ekki fluga, heldur hhveitibjöllur sem sveimuðu þarna yfir öllu. þá fannst okkur nú nóg komið og fórum. Sórum þess svo dýran eið að þangað myndum við ekki koma aftur. Leiðinlegt, því þetta var nú einu sinni alltaf í lagi.
Oh well,
Lifið heil!
4

Jæja, þá er hátið ljóss og friðar gengin í garð í öllu sínu veldi. Fórum í mat til tengdó í gær og snæddum grjónagraut í forrétt og hamborgarhrygg (já hamborgar-hrygg, veit ekki alveg hvernig þessi hamborgarAhryggur bragðast og er ekki viss um að mig langi til þess.) Pakkaflóðið var gífurlegt og mátti vart á milli sjá hver fékk fleiri pakka börnin eða gamla fólkið, t.d. fékk undirritaður Playstation vélina sem óskað var eftir (mikið sem ég dýrka konuna mína um þessar mundir fyrir það), Rúnna Júll í bókaformi (hlakka nú soldið til að glugga í hana í góðu tómi) og margt fleira sem væri of mikið til að telja upp hér. Og jú, Takk fyrir mig Ingvar fyrir DVD myndina, kem pottþétt til með að setja hana á geislann við fyrsta færitæki.  Allavega vona ég að allir hafi haft það sem allra best yfir hátíðarnar og við sjáumst hress og kát á nýju ári.
4

og alltof mikið að gera. Er að vinna langt fram á kvöld dagana fram að jólum og get því lítið sem ekkert gert á meðan. Skrítið samt hvað maður er latur samt að nýta þann litla tíma sem maður á til aflögu. Ætli það séu til stuðningshópar fyrir svona fólk, L.A. ( Lazys Anonymous). Nei hugsanlega ekki.
Marta mín er búin að gefa það í skyn að ég fái Playstation 2 í jólagjöf og ég er náttúrulega í skýjunum með það allt saman. Vandamálið er það að ég get ekki ýmindað mér hvernig ég get toppað þá gjöf (verð alltaf að gera betur og toppa).
Eins og áður segir þá er ég að vinna í Tónabúðinni öll kvöld fram að jólum og hhvet ég hérmeð alla lesendur til að mæta í Tónabúðina geðþekku að Skipholti 21 og kaupa eitthvað rosalega dýrt til að hífa upp söluna svo að hann Pálmi sjái sér fært að bæta við starfsmanni þ.e.a.s. mér. Allt útlit er fyrir að sú verði ekki raunin og ég verði frá að víkja eftir áramót :-(
en á glaðlegri nótum, Bergur Geirs, Pétur Örn, Jónbi úr BreinPolice og ég á Amster á gamlárskvöld. Be there or be kassalagaður
Gleðileg jól til sjávar og sveita,
4

Which John Cusack Are You?

Jæja, nú er maður loksins kominn með tengingu heima við, og kominn tími til! Fór með félögunum í Tónabúðinni á jólahlaðborðið á Lækjarbrekku í kvöld í boði Tónabúðarinnar ásamt mökum. skemmst frá því að segja að það var frábært og meiriháttar og kann ég Pálma og Jóni bestu þakkir fyrir mig og mína. Eftir matinn var haldið í leikhús að sjá Jólaævintýri Hugleiks í Tjarnarbíói, Jólasaga Dickens staðfærð yfir á íslenska baðstofu einhhverntímann á 19. öld. DÍSUS KRÆST! hvað þetta var æðisleg sýning........... fyndin með endemum og flott músík,16 stjörnur hið minnsta, mæli eindregið með henni.
4

Búin að vera botnlaus vinna hjá mér síðustu vikurnar þannig að ég hef ekki alveg verið að standa mig í að blogga, biðst ég hér með innilega afsökunar á því. Bjóst bara ekki við því að einhver tæki eftir því. Eins og Ingvar benti réttilega á þá er Tónabúðin flutt í Skipholt 21 og er ég því ekki lengur á Rauðarárstíg lengur.
Nóg að gera hjá Sixtís þessa dagana. Ferðuðumst til Hvammstanga og Sauðárkróks um síðustu helgi, í stuttu máli sagt briiljant helgi hvað stuðið varðar en GVUÐMINNGÓÐUR hvað það var kalt. Annars er ósköp lítið að gerast í mínu lífi þessa dagana annað en vinna og spilerí. Ég á mér ekkert líf................................... tja, jú kannski smá.
C ya
4

Góðar stundir, vildi bara vekja á því athygli að ég hef ráðið mig til skamms tíma í Tónabúðina, Rauðarárstíg og er öllum bent á að láta sjá sig og kaupa eitthvað stórt af mér
jibbí kóla
4

Jæja, loksins drulllast maður til að skrá eitthhvað inn á bloggið. Ég er búinn að vera sambandslaus við umheiminn í soldinn tíma, með enga internettengingu heima og ekki hangir maður á kaffihúsum alla daga. anyways, svona er það nú bara.
Annars er ekkert nýtt að frétta, platan er enní vinnslu og miðar bara vel. Erum á leiðinni norður í land að spila um helgina, Kántrí á lau. Akureyri á sun.
pís át
4

Er á leiðinni á Akureyri að spila. verður án efa mega stuð og fílingur on the side
4

Var að koma heim af tónleikum lífs míns. Fór að sjá Duran Duran í Egilshöll í kvöld og get með sanni sagt að ég hef ekki verið jafn agndofa á ævinni. Sándið, ljósin og spilamennskan eins og hugur manns, svo ekki sé nú talað um framkomuna, Guð minn góður! Ég er búin að fara á ferna tónleika í ár, Deep Purple og Pink í Laugardalshöll annarsvegar og Iron Maiden og Duran Duran í Egilshöll og þeir síðustu voru betri en hinir til samans. Ekki þó svo að skilja að hinir tónleikarnir hafi verið slæmir, þessir voru bara alveg málið
er farinn að sofa í sæluvímu.
"This is planet Earth!"
4